ادب
غزل...... از جگپریت سنگھ
✍️ : جگپریت سنگھ / ترال کشمیر
قلمی نام : شررؔ اعجازی
بصد سامانِ رسوائی بکوئے یار پہنچے ہیں
لبوں پہ مہرِ خاموشی، دلِ خوں بار پہنچے ہیں
------------------------------------------
رخِ تاباں کی کلفت میں، شبِ ہجراں کی ظلمت میں
ہم اپنی جاں سے ہو کر برسرِ پیکار پہنچے ہیں
-------------------------------------------
ترے ہونٹوں کی صہبا کا تخیل رقص فرما تھا
اسی اک نشہِ پنہاں کے لیے سرشار پہنچے ہیں
---------------------------------------------
اگرچہ خاک میں مل کر نشاں اپنا مٹا بیٹھے
مگر ہم رفعتِ مصلوب کی دستار پہنچے ہیں
--------------------------------------------
سحر کی آرزو لے کر، تری پلکوں کے سائے سے
کئی عشاق اب بن کر نئے آثار پہنچے ہیں
--------------------------------------------
بجھا پائے گی کیا ظلمت ہمارے ضبط کے شعلے
شررؔ بن کر تری دہلیز پر ہم یار پہنچے ہیں
بحر: ہزج مثمن سالم ارکان: مفاعیلن مفاعیلن مفاعیلن مفاعیلن تقطیع: 1222 1222 1222 1222
شاعر: شررؔ اعجازی
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
