✍🏼:... اِکز اکبال / نوکِ قلم اُردو 

اگست 29 / 2024 جمعرات 

معروف اسکالر عبدالغفور (اے جی) مجید نورانی جمعرات 29/ اگست کو 94/ سال کی عمر میں انتقال کر گئے۔ اے جی نورانی  بمبئی ہائی کورٹ کے ساتھ ساتھ سپریم کورٹ آف انڈیا کے سابق وکیل کی حثیت سے کام کر چکے ہیں ۔  اس کے علاوہ جناب ایک آئینی ماہر سیاسی مبصر اور ایک قابلِ قدر مصنف بھی تھے۔ 

اے جی نورانی نے مختلف موضوعات پر کئی کتابیں لکھی ہیں۔ جن میں  جغرافیا، سیاست، تاریخ، آئینی قانون اور یہاں تک کہ مذہب تک کے مختلف موضوعات شامل ہیں۔

ان کی سب سے مشہور کتابوں میں سے ایک دی ڈسٹرکشن آف حیدرآباد ( The Destruction of Hyderabad ) ہے۔

حیدرآباد کے  ممبر پارلیمنٹ اسد الدین اویسی نے ایکس (  سابقہ ٹویٹر ) پر ان کی موت پر تعزیت کا اظہار کرتے ہوئے نورانی صاحب کی شخصیت  کی تعریف کی۔ ’’ نورانی صاحب کی شخصیت سے میں بہت متاثر ہوں ۔ میں نے ان سے آئین سے لے کر کشمیر اور چین تک اور یہاں تک کہ اچھے کھانے کی تعریف کرنے کا فن بھی ان سے سیکھا ہے۔ اللہ اسے مغفرت عطا فرمائے، "اویسی نے ایکس پر کہا۔ (ایجنسیاں)