✍🏼 اِکز اکبال :... نوکِ قلم نیوز اُردو

جموں و کشمیر میں محکمہ اطلاعات و تعلقات عامہ (ڈی آئی پی آر) کی طرف سے ایک چونکا دینے والی حقیقت کا انکشاف کیا گیا ہے۔ اس کے پاس خطے میں گذشتہ تین دہائیوں کی تصادم آرائی کے دوران صحافیوں کی ہلاکت کا کوئی ریکارڈ نہیں ہے ۔

سینئر جرنلسٹ اور ممتاز انسانی حقوق کے کارکن ڈاکٹر ایم ایم شجاع کی طرف سے کشمیر میں شورش کے دوران مارے گئے صحافیوں کی تفصیلات اور ان کے اہل خانہ کو دیئے گئے معاوضے کی تفصیلات کے بارے میں دائر کردہ  قانونِ حقِ معلومات ( RTI ) کے جواب میں ، محکمہ اطلاعات و تعلقات عامہ کی طرف سے دائر کردہ جواب نے نہ صرف جموں و کشمیر کے دائر کردہ صحافی کو بلکہ سول سوسائٹی گروپوں کو بھی حیرت میں ڈال دیا ہے ۔

ریکارڈ کے مطابق پرنٹ اور الیکٹرانک میڈیا کے اٹھارہ سے زیادہ صحافی ہیں جنہیں نامعلوم بندوق برداروں نے ہلاک کیا ہے ۔ 1991 سے 2018 تک ، اپنی جانیں گنوانے والی کچھ ممتاز میڈیا شخصیات میں اس وقت کے دوردرشن کے ڈائریکٹر "لاسہ کول" شامل ہیں ، جنہیں 1990 میں سری نگر میں "عسکریت پسندوں نے گولی مار کر ہلاک کر دیا تھا" ، اور فوٹوگرافر مشتاق علی جو ایجنسی فرانس-پریس اور ایشین نیوز انٹرنیشنل کے لیے کام کر رہے تھے ، جو 1995 میں اپنے دفتر میں ایک پارسل بم دھماکے کے بعد اپنی جان سے ہاتھ دھو بیٹھے تھے ۔

اس کے علاوہ ، رائزنگ کشمیر ( Rising Kashmir) کے ایڈیٹر شجاع بخاری کو 2018 میں ان کے دفتر کے باہر گولی مار کر ہلاک کر دیا گیا تھا ۔ اس فہرست  میں پی این ہینڈو ، محمد شبان وکیل ، غلام محمد لون ، پردیپ بھاٹیہ ، آسیہ جلیانی ، اشوک سودھی اور کئی دیگر صحافی بھی شامل ہیں ۔

ڈی آئی پی آر کی جانب سے صحافیوں کا ریکارڈ نہ رکھنے کے بارے میں قانونِ حقِ معلومات کا یہ انکشاف محکمہ کی بے حسی کا ثبوت فراہم کرتی ہے ۔ اور ساتھ ہی ساتھ یہ صحافتی برادری کے تئیں محکمے کی بے حسی اور بے عزتی کی علامت ہیں۔

"کشمیر میں صحافت ایک خطرناک پیشہ ہے ، جہاں ہر خبر اور ہر خبر دینے والے کی ایک قیمت ہوتی ہے ۔ محکمہ اپنے ہی کارکنوں کو کیسے بھول سکتا ہیں جو سوسائٹی کے استعمال کے لیے ان پٹ فراہم کر رہے ہیں اور کام کرتے کرتے  اپنی جانیں گنوا چکے ہیں ؟"  ڈاکٹر ایم ایم شجاع کہتے ہیں کہ ڈی آئی پی آر کے اندر شفافیت اور جوابدہانہ کا فقدان حیران کن ہے اور اس پر سنگین سوالات اٹھاتا ہے کہ کیا حکومت پریس کی آزادی کے اپنے مؤقف کے لیے پرعزم ہے ۔

ان بے خوف صحافیوں نے شورش زدہ خطے سے خبریں باقی دنیا تک پہنچانے کے لیے ہر ممکن خطرہ مول لیا ۔ ان کا صحافتی سفر دوسرے صحافیوں کو تحریک دیتی ہیں اور لوگوں کو آزاد پریس کی اہمیت کے بارے میں یاد دلاتی ہیں ۔

سی این ایس ایجنسی کے چیف ایڈیٹر   ، رشید راہی کا کہنا ہے کہ۔ "ڈی آئی پی آر کا جواب حیران کن ہے ۔ صحافیوں کی ہلاکتوں کا کوئی ریکارڈ نہیں ، جنہوں نے کشمیر میں اپنی جانیں دیں ۔ یہ ناقابل قبول ہے ، "

ڈی آئی پی آر کا ردعمل حکومت کی طرف سے صحافیوں کی فلاح و بہبود کو نظر انداز کرنے کی بھی نشاندہی کرتا ہے ۔ زیادہ تر لوگوں کے مطابق جموں و کشمیر میں صحافیوں کے لیے کوئی اسکیم یا پنشن نہیں ہے ۔ وادی میں تمام خطرات کا سامنا کرنے کے باوجود صحافیوں کے لیے کوئی حفاظتی اسکیم ، پنشن ، شہید صحافیوں کے اہل خانہ کو معاوضہ یا صحافیوں کے لیے طبی بیمہ کے فوائد جیسے کوئی بنیادی سہولیات نہیں ہیں ۔ اس سے سنگین تشویش پیدا ہوتی ہے ، اس لیے کہ وہ خطرناک ماحول میں کام کرتے ہیں ۔

"حکومت کا اعتراف تشویشناک ہے ۔ صحافیوں کی زندگیاں اہم ہیں اور ان کی قربانیوں کو تسلیم کیا جانا چاہیے ۔ بین الاقوامی برادری کو اس پریشان کن رجحان کا ادراک کرنا چاہیے ۔ صحافیوں کے حقوق کا تحفظ ہونا چاہیے ، "ایک سینئر صحافی نے اپنا نام ظاہر نہ کرتے ہوئے کہا ۔

موازنہ کیا جائے تو جموں و کشمیر حکومت کے پاس معاشرے کے باقی طبقات کے لئے مختلف سماجی تحفظ کی اسکیمیں ہیں ، جیسے بزرگوں ، معذوروں اور بیواؤں کے لیے کچھ پنشن ۔  انٹیگریٹڈ سوشل سیکیورٹی اسکیم (ISSS )،  نیشنل سوشل اسسٹنس پروگرام (NSAP )، اور نیشنل فیملی بینیفٹ اسکیم (NFBS )  محکمہ سماجی بہبود کے زیر انتظام ہیں ۔

اگرچہ حکومت بظاہر صحافیوں کی فلاح و بہبود کی بات کرتی بے ، لیکن اس کے پاس اشتراک کرنے کے لیے کچھ بھی نہیں ہے ۔ کشمیر کی حالات کا احاطہ کرنے والے صحافیوں کو زیادہ خطرات کا سامنا کرنا پڑتا ہے ؛ ان کی حمایت کی کمی نے انہیں کمزور اور مایوس کن حالات میں ڈال دیا ہے ۔

آر ٹی آئی تحریک کے چیئرمین ڈاکٹر راجہ مظفر بھٹ نے جموں و کشمیر میں مارے گئے صحافیوں کے بارے میں ریکارڈ کی کمی پر مایوسی کا اظہار کرتے ہوئے کہا ، "یہ بدقسمتی کی بات ہے کہ ان کے پاس کوئی ریکارڈ نہیں ہے ، اور اس سے بھی زیادہ حیران کن بات یہ ہے کہ آج تک کسی نے ان سے نہیں پوچھا ہے" ۔ یہ ان صحافیوں کی قربانیوں کو دستاویزی شکل دینے میں جوابدہانہ اور شفافیت کی عدم موجودگی کو اجاگر کرتا ہے جنہوں نے سچائی اور ایمانداری کے ساتھ کام کر کے  اپنی جانوں کو خطرے میں ڈالا ۔

 ڈی آئی پی آر کی جانب سے حمایت کی کمی کی وجہ سے بہت سے حقیقی صحافیوں کو یہ پیشہ چھوڑنے پر مجبور کیا ہے ، جہاں کچھ صحافت سے نابلد عناصر صورتحال سے فائدہ اٹھا رہے ہیں ۔ کشمیر جیسی جگہ میں بھی یہی بات بہت سنگین ہے ، جو پہلے سے ہی صحافیوں کے لیے بڑے خطرات اور چیلنجز کا باعث ہے ۔